Advertisement

一舞傾城│陳法蓉怕唔夠霸氣冇江湖味 蔡潔參考紅姑舊作學做「小姐」

本地
2023.05.16
撰文:卡琳
whatsapp-image-2023-05-16-at-3-17-05-pm-7
好有霸氣啊!

無綫劇集《一舞傾城》昨晚(16日)一集,講到萬國城夜總會成立8周年,身為頭牌的Monica獲多位大客捧場,古惑仔麻鷹為見Monica一面,捉了一班舞小姐入房虐待,逼沙律帶Monica入房坐枱,身為江湖大嫂的沙律沒有妥協,更出口術「大走」麻鷹救出一班姊妹,霸氣十足。講到這個場口,陳法蓉受訪時笑言:「演呢場戲時,我好擔心自己夠唔夠霸氣,有冇江湖大嫂嗰種感覺,拍完之後問李嘉驚唔驚我?佢話好驚呀!原來我都有霸氣喺度,但我自己唔知。」陳法蓉續指自己跟角色一樣,都是重情義的人,並笑言自己現實比較內向,她說:「唔識我嘅人,會以為我好識得同人相處,但其實我係比較深閨同宅嘅一個人。」提到不少網友大讚她身材Fit到漏,她笑謂:「好多朋友都知道,我係一個淨係食同瞓嘅人,基本上係冇做任何Keep Fit嘅運動,好感謝我爸爸媽媽遺傳咗咁好嘅身材俾我。」

昨晚另一焦點,是麻鷹欲對Monica霸王硬上弓的場口,麻鷹更扯爛Monica的黑絲,畫面相當肉緊。講到這場霸王硬上弓場口,蔡潔透露:「拍呢場戲時我冇整親,反而阿嘉俾張枱嘅玻璃整親,記得拍咗第一Take時佢係血流不止,大家都唔知點算好,呢個時候男人就會發揮好Man嘅魅力,佢完全係唔Care個傷口,最後好順利地拍晒。」蔡潔笑言大大隻的李嘉其實是大細路,她說:「我睇落弱質纖纖,阿嘉就好大隻,但我哋現實相處當中,佢只係細路仔嚟,性格好可愛,有時反而我仲Man啲。」

whatsapp-image-2023-05-16-at-3-17-05-pm-23
為了今之角色,蔡潔請教了一位曾在夜總會工作的朋友,還參考了大美人鍾楚紅的作品!

講到為今次角色做的事前準備,蔡潔透露請教了一位曾在夜總會工作的朋友,她說:「我捉住佢問咗好多,聽咗好多真實故事之後,令到我對角色多咗好多Connection。」蔡潔續指90年代美的標準,與現今社會大相逕庭,她事前還參考了大美人鍾楚紅的作品,她說:「嗰時鍾意濃妝艷抹,穿著比較誇張,我自己好少咁樣打扮,事前都擔心自己做唔做得到,搵咗好多當時美人嘅形象參考,其中一位就係鍾楚紅小姐,佢都演過類似角色,有搵一啲佢嘅作品參考,佢真係太靚喇。其實當你化晒妝、整晒頭換埋戲服,一行入個景就會自然代入咗個角色,好享受拍攝過程。」

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹