Advertisement

一個好人|林子善蒙眼跑步感覺好驚 隨民間搜救隊尋失蹤老翁

本地
2024.03.20
撰文:孜卓芹
林子善出名喊包,主持《一個好人》也經常被感動到喊。
林子善出名喊包,主持《一個好人》也經常被感動到喊。

林子善和江美儀主持的綜藝節目《一個好人》,今晚(20日)播出的第三集,子善分別拜訪了視障人士領跑員林威強林Sir和民間搜救組織創辦人鄭偉軒Anson。曾是香港百一米欄紀錄保持者的林Sir,正職是一名中學體育老師,深信運動改變生命的他機緣巧合下開始教視障人士跑步,他笑言初期處處碰釘,「我教視障人士之前,已經做咗好多年教練,我接手時教完兩堂,就有兩個學員入咗醫院,佢哋啲腳腫得好緊要,我忽略咗一樣嘢,佢哋雖然可能係3、40歲,但佢哋長期用柺杖慢慢行,關節退化得好緊要。」

林Sir帶着子善蒙眼體驗黑暗中跑步。
林Sir帶着子善蒙眼體驗黑暗中跑步。

林Sir坦言看到視障人士「跑出彩虹」感到鼓舞,「有啲視障人士,佢嘅世界係得睡牀、飯枱、廁所,可以兩、三年冇出過門口,帶番佢哋出嚟之後,見到佢成個人生唔同晒,呢啲係鼓舞嚟。」之後子善蒙着眼感受黑暗中跑步,雖然有林Sir帶領,但子善仍感到十分無助,不敢邁出大步尤如原地跑,事後子善坦言:「頭先蒙眼跑嘅感覺其實好驚,好似前面有嘢撞咁!」

視障跑手傅提芬Inti因為青光眼,26歲時不幸完全失明。Inti遇到林Sir後開啟二次生命,林Sir靠一條手帶帶着Inti由10k跑到半馬、再跑到全馬,最終成為香港首位完成世界六大馬的視障運動員! 子善又試當領跑員帶領Inti跑步,事後他說:「我好少同女仔咁親密,除咗拍戲,大家頭先一路有講啲開心嘢,好感恩可以同咁勁嘅運動員跑步。」

子善之後再體驗做領跑員,引領視障跑手傅提芬Inti跑步。
子善之後再體驗做領跑員,引領視障跑手傅提芬Inti跑步。

之後子善走訪民間搜救組織創辦人鄭偉軒Anson。香港每年有逾三千人失蹤,Anson出心出力帶領搜救隊開展搜救工作,為不少家庭點燃希望。子善除了會跟隨Anson追尋失蹤老翁消息,還會見識游繩救人模擬訓練。談到搜救工作往往遇到挫敗,Anson坦言曾心灰意冷,「第一係錢啦,因為大家係義務,其次係人,呢個最難,要一條心同埋付出大量時間。」Anson透露曾被女友「詐型」,日「女友初初係反對,又要攞錢出嚟,時間又唔夠,返工已經忙,有時幾日唔知你去咗邊,佢初初會介意,都驚我身體頂唔住,我最高紀錄係18日做搜索,不斷咁返工同搜索、返工同搜索。」

子善跟隨Anson追尋失蹤老翁消息。
子善跟隨Anson追尋失蹤老翁消息。
姜濤 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹