黃宗澤Bosco今年便踏入四十歲，最近被老友鄭嘉穎催婚，但單親家庭成長的他，直言沒有婚姻的憧憬，自與日模Jun的戀情結束後，還未有一位他承認的女友，他笑言多得阿媽唔少，皆因相見好同住難，婆媳問題是他最擔心的問題。
Bosco入行後讓母親幫他理財，母親喜歡在外地「買磚頭」，但Bosco堅持住在香港，「親戚朋友和隻狗都在香港，唔捨得，阿媽鍾意買樓，跟我拍戲其實就係睇樓，睇完就不停講『仔呀，好似幾靚喎！』就知她想點，哈哈！但她選的地點又幾好，馬來西亞可以過去住吓，落街講廣東話又溝通到；現在不要阿媽幫我做會計，那麼辛苦，我請了一個人做，阿媽全職休息啦，仲日日對單咁辛苦咩！出去玩去旅行好過。」
問Bosco母親有沒有催婚？「由小到大都是單親家庭，我未出世父母就離婚，都沒有見過幸福家庭的畫面，唔多唔少都有影響，阿媽又冇催，新年拜年親戚有問我幾時生？阿媽第一個彈出來話『咪搞我！』我都未答，她已經代答，我又唔敢講好絕對，有一日遇到個對的人都可能會結婚，但這一刻未想結婚囉，而且我啱阿媽都未必啱，身邊的朋友都說，要我阿媽鍾意等做和尚啦！哈哈！都係，好好笑！」Bosco直言從不介意異地戀，反而是好事，「無所謂，我覺得女友唔識同阿媽溝通仲好，不會鬧交嘛，但面色一定會有，我們兩母子現在都是住隔籬。」
母親不催婚，反而好友替Bosco心急，「最近見到鄭嘉穎，他說：『要結就快些結、要生就快些生，唔好似我咁，個仔十八歲我都有些年紀啦！你差唔多了！』哈哈！他真的變了好爸爸，唔同晒，生活就是開工、收工、湊仔，他說現在最多打場網球。」
服裝：Moncler、John Hardy
形象：Queenie Yu
化妝：Cyrus Lee
髮型：Kel Fung @HH hair.nail