「牛下女車神」李慧詩（Sarah）、總教練沈金康及香港場地單車隊代表團噚日出發前往日本伊豆，準備出戰東京奧運場地進行單車賽。李慧詩喺機場透露有信心喺賽事中獲獎，佢表示最近一星期嘅特訓狀態係歷年最好，指自己都準備好比賽。
李慧詩
李慧詩曾經喺 2012年倫敦奧運奪得銅牌，今次係佢第三次出戰奧運，Sarah稱比賽前難免會緊張，但經過一星期嘅特訓，認為今次嘅訓練效果係歷年最佳，所以有信心可以有奪得獎牌。Sarah又指今次東奧比賽場地伊豆單車館，係佢細個成日去訓練嘅地方，形容伊豆單車館見證住佢由開始時對場地單車感到驚怕到建立信心嘅地方，可以話係Sarah嘅「半個主場」。
李慧詩
對於張家朗奪金，Sarah表示好開心見到好多運動員冒起，希望大家可以一齊努力，盡力做到最好 ，更講笑話邊個拎獎牌都無所謂，不過當然最好係自己拎獎。
李慧詩今次奧連將會喺凱林賽同爭先賽亮相，首場係8月4日嘅凱林賽，之後8月6日開始出戰爭先賽，大家到時可以留意賽事，為港隊打氣。
圖片來源：李慧詩＠Instagram
