Advertisement

「拉表叔」馮志豐法國深造暫別《十八樓C座》 網民不捨:後會有期

本地
2022.05.21

a180626a018-1024x683

擔任商台廣播劇《十八樓C座》的監製兼聲演「拉表叔」的馮志豐,在昨日(20日)播出的一集「再見喇!拉表叔」中,劇情提到要到法國學廚深造,將暫別「周記茶餐廳」大家庭。

商台的facebook專頁亦發布貼文,讓聽眾重溫「拉表叔」的暫別錄音,並轉述他對聽眾說的話:「各位周記街坊,我要暫別去法國深造嘞!青山常在,綠水長流,我哋有緣再會。掛住我就聽下《一台好戲》同《細路強》嗰個主持馮志豐啦!佢把聲同我差唔多㗎咋!」金剛聲演的「周老闆」在劇中叮囑他:「我而家嚴厲警告你,你去到法蘭西嗰邊,千祈唔好衰俾人睇,要話俾當地人聽,我哋香港嘅茶餐廳文化係掂嘅、係Very Good嘅,而家我哋為咗拉表叔飲杯,祝佢一路順風。」網民在帖文中紛紛留言表示不捨,「我細細個已經睇你做戲架啦」、「日日都聽真係可惜阿拉表叔要走」、「千里傳音告知在法國生活點滴吧」、「什麼理由都不緊要,只要平安就好」、「祝福您在商台繼續找到您的一片天」、「拉表叔再見!後會有期」。

881

商台接受傳媒查詢時表示,馮志豐以私人理由辭職,而他所主持的節目《一台好戲》及《細路強》,之後仍會繼續擔任客席主持身份,《十八樓C座》則由陳聰接棒監製之職,《光明頂》的監製工作交由商台同事接任。

a180626a020-1024x683

與馮志豐合作多年的金剛表現不捨,並以「周老闆」身份說:「拉表叔去法國係佢嘅理想,一則增值自己,二則為咗將來有更大發展、更高成就,學成返嚟對拉表叔或者周記只會有好處,唔捨得都無辦法,祝佢學成歸來,更上層樓!」

現年49歲的馮志豐,由童星出身,在無綫多部經典劇集也有演出,角色深入民心,包括《京華春夢》、《執到寶》、《射鵰英雄傳》、《神鵰俠侶》與《香城浪子》等。

星級企業大獎2020 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹