Advertisement

「大坑小G」葉泓聲獲羅志祥打氣 驚爆與王嘉爾係同學兼好友

本地
2024.04.02
撰文:孜卓芹
Gordon獲小豬本尊親自加持,難怪佢勁興奮。
Gordon獲小豬本尊親自加持,難怪佢勁興奮。
【今日睇咗未?】陳茵媺甜蜜幸福迎43歲 獲子女彈樂器唱生日歌|「大坑小G」葉泓聲獲羅志祥打氣 驚爆與王嘉爾係同學兼好友(02/04/2024)

無綫綜藝節目《福祿壽訓練學院》自周日播出首集後,在網絡引起極大迴響,當中憑「男神混合體」超強顏值、兼極速變聲變Tone扮演六大天王級歌手的「新會華Dee」陳柏曦,更成為一眾參賽者的爆Reel王,短片上載短短一天(截至4月2日早上10點)已收獲逾63.9萬Views,總Like數高達逾9,000之餘,相關短片分享次數更高達1,460次。

「新會華Dee」陳柏曦憑實力及靚仔外貌成功突圍!
「新會華Dee」陳柏曦憑實力及靚仔外貌成功突圍!

另外當中表現優異的「大坑小G」葉泓聲(Gordon),亦因一副「好舞功」以及「熱愛舞台勵志Bite」,贏得不少網民支持及關注外,他模仿的羅志祥(小豬)除了在Gordon上載的表演片段留言打氣外,還在IG Story轉發了Gordon的表演短片兼留言打氣謂:「不要害怕被別人否定,最怕的是,自己先否定了自己,勇敢的去享受舞台,我們一起加油。」
對於獲小豬本尊親自打氣,Gordon大嘆「超乎想像」,並一再強調很感動:「真係好開心,估唔到小豬真係注意到我,仲私信我為我打氣、鼓勵我,又讚我跳得好好,真係幫我注下咗一支好大嘅強心針。」
Gordon續指小豬絕對是其偶像之一:「其實好多跳舞歌手都係我偶像,譬如郭富城、陳偉霆同王嘉爾等都係我偶像,我都一直好想去模仿佢哋。」Gordon預告之後還會模仿更多不同類型的跳唱歌手。

小豬IG Story轉發了Gordon的表演短片兼留言打氣。
小豬IG Story轉發了Gordon的表演短片兼留言打氣。

原來Gordon與他三位偶像均甚有淵緣,他曾於日本旅行期間偶遇小豬,當時由於太興奮,Gordon忍不住大聲高呼對方名字,小豬亦很親切地停下來與Gordon合照,令Gordon開心至手震。至於城城,Gordon是受城城啟發18歲時加入Dancer行列,到19歲時正式成為城城演唱會dancer,並為對方伴舞長達5年。

Gordon提供當年為城城演唱會伴舞珍貴照片。(右一為Gordon)
Gordon提供當年為城城演唱會伴舞珍貴照片。(右一為Gordon)

更令人意外的是,Gordon與韓國男團GOT7香港成員王嘉爾(Jackson)識於微時,二人為同校同學,因為同樣喜歡跳舞而成為好友,Gordon大讚Jackson零架子:「佢係一個非常之好嘅人,去到依家佢所有嘅騷都會預位俾我睇,甚至乎會預埋我屋企人,佢紅咗都冇忘記身邊嘅朋友以及同學。」

Gordon與王嘉爾是同學兼好友!
Gordon與王嘉爾是同學兼好友!

「台上一分鐘、台下十年功」,雖然自天堂鳥解散後Gordon已近乎欠缺在舞台上演出的機會,但他坦言私下從來沒有真正放棄,更一直爭取時間及機會默默地努力增值自己,希望有派上用場的一天:「好多人認為天堂鳥解散咗之後,我就會放低咗跳舞同唱歌,或者淨係見到我post自己生意或者家庭嘢,但其實我對跳舞唱歌演戲嗰份執着同熱誠仲喺度。呢段時間我有Keep住去跳舞同埋上堂學唱歌,咁樣到真係有機會表演嘅時候,就可以以更佳狀態去完成。而我每一次收到劇本,我都會約朋友出嚟傾吓應該點樣演,我好多謝袁偉豪,佢會教我點樣去演戲,同埋點樣去做好同埋分析個角色。」

+7

Gordon續指與袁偉豪(Ben)因合作《法證先鋒V》結緣,由於二人志趣相投,加上差不多時間升呢人父,故份外投契。Gordon說:「《法證V》係我第一部劇,所以拍嗰時係咁問阿Ben意見點可以演好啲,佢好好,好耐心咁教我,之後仲搵我做《好聲好戲》partner。」Gordon又指Ben還教他沖了人生第一杯咖啡,之後Gordon開設咖啡店後,Ben亦有經常撐場及幫忙宣傳:「佢俾咗好多鼓勵我、叫我唔好放棄,所以我認定咗呢個『阿頭』,咩都問佢意見。」

Gordon同王嘉爾原來係同學!
Gordon同王嘉爾原來係同學!

Gordon又笑言雖然在娛樂圈浮沉多年總有想過放棄,但最後永遠在自己最失意時、總有意料之外的機會降臨而自己離不開:「其實呢10年娛樂圈生涯,都嘗試過好幾次想放棄,但最後都做唔到,呢個圈係有一個魔力,當你想放棄嘅時候,永遠有啲嘢拉番你返嚟、繼續俾你去試。」

姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹