《全民造星 V》嶄露頭角的CotaBoii，日前（3日）舉行首個「Mr. Nobody – CotaBoii 粉絲見面音樂會」，廣邀《造星V》的戰友齊齊演出，CotaBoii 一口氣唱出《Cota Heaven》、《4am freestyle》、《青山道》及《PEACE》，輕快節奏的歌曲為粉絲見面會掀開序幕。
緊接是《造星 V》戰友的演出，Tomy（何家銘）、Maico（鄭仲豪）、Mark（陳鴻翔）、Lok Lok（羅樂）等先後為樂迷獻唱。其中CotaBoii重組節目中的藍組 D隊，為樂迷送上《致未來的我們》，全場齊齊合唱，讓整個場地充滿感動又熱血的氛圍。 CotaBoii 又請來師姐區子琳（Paula）一同獻唱， CotaBoii感謝師姐的支持，謙虛表示要向對方好好學習。除了有師姐加持，同門師弟Cheeseekit 亦有份於見面會演唱其作品《They Say》，讓樂迷投入他的 Hip-Hop 世界。來到尾聲，CotaBoii感動說：「好多謝咁多位粉絲嘅支持同愛錫，我真係冇想像過自己可以擁有粉絲見面會，冇佢哋都完成唔到今次呢個演出，希望快啲有下次、希望下次可以喺更大嘅場地見到大家。」他又感謝台前幕後及演出歌手的幫忙：「第一次出騷本身真係好緊張，但係咁多人嚟撐我、幫我，令成件事玩得好順暢，真係好唔容易。簽咗唱片公司，其中一個目標就係希望更多人聽到我嘅音樂，至少俾個機會我將自己嘅音樂帶俾唔同嘅人認識，上月初正式出咗第一首派台新歌，咁快就可以有自己嘅見面會，真係好夢幻。」
完騷後，CotaBoii 的好友們搞笑送上超長紅色布條，喻意星途長紅，更用紅布包裹他全身，誓要由頭紅到尾。CotaBoii 笑謂：「好癲呀，估唔到佢哋咁癲，仲要攞條布包住我，今次真係由頭紅到尾，哈哈，我都希望可以承佢哋貴言，大紅大紫！」