Advertisement

《早霸王》3主持染疫齊請病假 森美鎖入「柴房」隔離

本地
2023.05.02
撰文:孜卓芹
森美近期太多活動,他也不知如何感染。
森美近期太多活動,他也不知如何感染。

商台節目《早霸王》3位主持森美、阮小儀和梁嘉琪因為染疫,昨天(1日)齊齊請假令節目暫停,改由其他同事頂替。森美接受傳媒訪問時坦承3人都中了新冠病毒。


上周六森美擔任韓星金宣虎在香港舉行的粉絲見面會司儀,森美表示當天沒有不適,反而翌日做獅子會千人義診健力士世界紀錄活動,就有點兒不舒服,他已全程戴口罩及告知大家他不適,當日他只是在台上做表演。他說:「咁啱嗰日有50個中醫師幫忙義診,我順便睇埋中醫,醫師話我有感冒迹象,執咗啲藥俾我食,算係不幸中大幸。」
森美笑言現已將自己鎖入「柴房」隔離,並透露可能吃了中藥,今日情況有好轉,人都精神不少,快測的兩條線已淺色了,估計過多幾日可痊癒。

森美日前才擔任金宣虎活動司儀。
森美日前才擔任金宣虎活動司儀。

森美謂這兩星期有太多活動,所以無法知道如何感染?他說:「嘉琪好早就唔舒服,可能咁啱得咁橋,佢唔舒服嗰日,我哋都戴口罩。我前個禮拜感冒,已戴口罩做節目,之後到嘉琪唔舒服,佢都冇返工,應該唔太大關係,都冇法知道,我哋接觸太多唔同嘅人,我平時出街、返工做節目都戴口罩,係有時做騷冇辦法,同埋晚宴影相都冇理由戴口罩,依家病情比上個禮拜感冒好啲,之前感冒都病咗6、7日,今次頭幾日已經冇乜事,已經精神番,會盡快做番節目。」

森美與《早霸王》拍檔小儀、梁嘉琪因為染疫齊請假。
森美與《早霸王》拍檔小儀、梁嘉琪因為染疫齊請假。
聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹