《下流上車族》昨晚一集講到毓霞（鮑起靜飾）決定將志明（林敏驄飾）加進公屋戶籍，志明動用了與雯慧（江美儀飾）聯名戶口內的12萬港元裝修公屋，雯慧發現後大動肝火踩上門鬧爆毓霞、志明，並再度埋怨志明當年落錯車：「如果唔係咁，我哋依家移咗民住緊House啦，你啲朋友冇個好人，呃飲呃食！」在場的細孝（鄧智堅飾）聞言即下跪道歉，並大爆志明落錯車真相：「你哋落錯車唔係因為金融風暴，係因為我，車總賣咗層樓幫我周轉。」
智堅受訪時指原來當日拍這場戲是即興「打大佬」：「本身嗰日唔係拍呢場，但因為拍攝進度良好，咁啱嗰日都係拍呢班演員，就話不如拍埋呢場啦，最大挑戰就係冇心理準備就要拍！」智堅續指拍攝前大家對了幾次稿，並謂最緊要是理順劇中角色當時的關係。講到不少網友大讚他與驄哥默契十足，智堅笑言：「本身我都係調皮嘅人，所以遇着調皮嘅驄哥係好開心，當然我唔夠佢嚟啦，佢簡直就係周身刀張張利嘅『周伯通』，功夫好強勁，不停接佢招係好好玩！」
至於飾演「八婆表妹」晞嵐的Heidi同樣搶眼，搣甩斯文高貴形象的她，今次飾演搞是搞非表妹一角入型入格，獲得不少網友好評：「表妹被江美儀踢爆離婚即時反面，反差好大，人性的弱點大爆發，好好睇！」、「朱凱婷演戲都OK喎」、「朱凱婷今次攪屎棍角色做得幾有發揮，飛躍進步應留一個獎俾佢。」
Heidi笑言現在出街會偶爾被鬧衰表妹，不過她亦不忘為「晞嵐」平反：「佢唔係徹底嘅衰人，其實仲有啲可憐，雖然表面好似好潑辣，但其實佢都係受害者，佢叫表姐千祈唔好講『離婚』呢兩個字，其實只係將自己投射咗喺表姐身上。」
