Advertisement

《「趁我們還有__ 」陳慧敏個人音樂會》| 懂得自愛才能自救 陳慧敏努力成為自己

本地
2024.05.17
撰文:善宇
陳慧敏在藝術中心舉行四場音樂會,以「角色、好奇心、選擇、情緒及自我認同」做主題。
陳慧敏在藝術中心舉行四場音樂會,以「角色、好奇心、選擇、情緒及自我認同」做主題。

陳慧敏昨晚(16日)在藝術中心舉行《「趁我們還有__ 」陳慧敏個人音樂會》,在「趁我們還有__ 」的間線上,慧敏哥填上「角色、好奇心、選擇、情緒及自我認同」這五組詞彙,亦以此貫穿整個音樂會。在獻唱《浪》一曲時,她回憶起做這首歌時沒有Budget,一個人去雲南,坐在木船上,攞住航拍機拍攝,豈料失靈,航拍機差點掉了落海,「結果喺淘寶用800蚊,淘咗個師傅過嚟幫我拍呢個MV,拍完返嚟自己用iMovie去剪個MV,之後做埋封面設計,再Upload上YouTube,自己去做宣傳。好多開心、辛酸,但都發現自己如果唔係呢啲考驗,都唔知自己原來可以做到咁多嘢。」

慧敏哥剖白過去在感情中曾受過傷,亦曾傷害過人。
慧敏哥剖白過去在感情中曾受過傷,亦曾傷害過人。

慧敏哥演繹《自救》之前,部白心聲:「我唔係一個好識講嘢、表達嘅人,有時甚至會用沉默表達自己,喺過往唔同嘅關係入面,我都有受傷過,但同時亦有令人受傷過,對於一啲逝去嘅愛情,我好希望我可以原諒別人,亦都原諒自己,因為我知道只有真正識得去自愛,識得錫自己,先可以真真正正自救。」

慧敏哥自知經常橫衝直撞,好似唔知驚,但其實有許多脆弱時刻。
慧敏哥自知經常橫衝直撞,好似唔知驚,但其實有許多脆弱時刻。

去到尾聲,慧敏哥感謝好友及樂迷接受她的不完美,自知經常橫衝直撞,好似唔知驚,但其實有許多脆弱時刻,幸好擁有好多愛,提醒她:「我自己一直都係好叻、好靚,一直好努力去成為自己。」

更多現場圖輯:

部分圖片來源:大會提供

 

 

 

 

 

陳卓賢 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹