湯告魯斯的皇牌系列新作《職業特工隊：叛逆之謎》(Mission：Impossible-Fallout)即將上映，靚佬湯秉承「Mission Impossible」的宗旨，之前幾集一直挑戰動作極限，至於今集，導演基斯杜化麥哥利(Christopher McQuarrie)就揚言動作場面比以往的，更神奇更超卓。以下是今集的四個精彩場面，先莫論有多誇張，但眼見五十六歲的靚佬湯場場拼命瞓身演繹，實在不到你不服。
呢幕直昇機槍戰，靚佬魯要一人兼任機師、攝影師同演員，駕駛直昇機穿越峽谷之外，仲要爬出直昇機做一系列動作，導演話難度系數之高連好多專業機師都未必做到，每次拍都好驚出事，但靚佬湯依然堅持親身上陣，透過密集式訓練應付呢幕，問你服未！
雖然這幕不及謝天華的一手攀岩一手聽電話經典，不過靚佬湯徒手攀過懸崖峭壁，場面仍然非常驚險。這幕亦被外傳大讚充滿真實感，比一般單靠電腦特技合成的動作片好睇！
靚佬湯要在二千呎高空沿着游繩爬上飛行中的直昇機，然後再下墮四十呎撞向繩尾吊住的貨物而彈開。由於直昇機旋翼下較低壓，靚佬湯曾感到呼吸困難，亦因緊縛在身上的安全帶而令雙腳麻庳。
圖片來源：Paramount Pictures