去年十月由《逃恥》掀起的結衣BB熱，歷經一年竟愈來愈勁，她主演的新片《乒乓情人夢》上周開畫兩天狂收二億多日圓，打低湯告魯斯的《巴利薛爾：飛常任務》，成為票房冠軍。富士電視台亦打鐵趁熱，決定開拍《緊急救命Code Blue》電影版，好明顯見剛播完的第三季收視高企，食過返尋味。雖然電影版未有故事大綱，但富士已宣布沿用山下智久、新垣結衣，戶田惠梨香、成田凌等原班人馬，而製作亦會跟當年《海猿》系列睇齊，加入更多驚險場面。雖然第三季換了編劇，增加了愛情和喜劇元素，令期待更多醫療情節的前兩集粉絲感到不足，但有日媒報道電影版很大機會起用同一編導組合。
■ 撰文：紀子