關心妍Jade每年都會為《明周》拍攝賀年相，女兒心心轉眼便6歲，上年母女檔下廚，今年問心心今年想拍攝什麼？她就話想學剪紙揮春佈置屋企。平日喜歡做勞作的心心，一學就識，好快手畫好兔仔，拿起剪刀好快搞掂，而Jade仲挑戰難度，剪了「明周」兩個剪紙送給《明周》各位讀者，非常有心。
Jade特別為女兒準備一套兔仔服飾，心心一穿上就唔捨得除，Jade說︰「她很喜歡小動物，一見到衫仔有動物圖案就好開心，兔年梗係要扮吓兔仔。」Jade剛剛一家去了日本旅行，這次之行，是特別為女兒炮製驚喜，「她想去大阪環球影城好耐，上機當日她都不知道目的地，直至check in先同佢講，佢話終於夢想成真！去到環球影城差唔多玩晒所有遊戲，玩足一日。」
今年農曆新年，Jade一如往年下廚招呼親朋好友，女兒開始長大，Jade笑言終於有位助廚，「她都喜歡煮飯仔，我哋可以在廚房玩一日，佢都幾幫得手㗎。」
