叱咤頒發「我最喜歡男、女、組合、歌曲獎」，由林海峰篤楝笑揭曉，「我最喜愛男歌手」最終由古天樂大熱勝出，林海峰叫觀眾自己讀出。
古仔上台發表感受：「我真係好鍾意唱歌，不過我唔識唱啫。呢個世界真係好奇怪，我都可以行得上台，拎呢個獎我真係無嘢好講。」古仔表示一定要多謝903，多謝投票的朋友。古仔又笑說：「你地唔好企喺身喇，好似我拎咗終身成就獎咁。我好知道大家最喜愛我唔係歌曲上嘅作品，上年我做咗演藝人協會會長，我好想幫新晉歌手，我用我嘅時間，同咗好多歌手食飯，因為我真係完全唔識。」
古仔說當他了解歌手的情況後，知道大家心中的火並未熄滅過，他開心說：「你睇我，我都可以行上台。但真係，作為一個新人，自己心入面團火，唔好忘記，無論成功與否。我阿爸成日同我講，要蝕底，唔好放棄自己，我哋香港樂壇，廣東歌就靠你哋。」
古仔上台被起哄要他唱歌，但佢話：「咩都冇準備喎！」林海峰就話：「清唱囉！」全場拍掌，古仔即刻叫張敬軒、Juno、謝安琪上台，古仔又攬容祖兒話：「我真係好鍾意唱歌，不過我唔識唱，呢個世界真係有奇蹟出現，我都可以上台攞呢個獎。」然後，佢話大家都係要聽佢唱歌啫，於是揀咗《男朋友》，大家陪住佢一齊大合唱，仲係清唱！雖然古仔只係唱咗幾句，但觀眾都收貨！