黃子華與蘇永康感情要好，子華神更是蘇永康兒子Jazz的契爺，雙方不時見面聚會。蘇永康在社交網站分享聚會時的合照，在座的還有蘇永康的好兄弟杜德偉一家三口，蘇永康開心留言：「又話家常便飯點知又鮑魚又紅酒又甜品又盛⋯談天說地傾到午夜先走，其實真正老友使乜成日見？內心經常存在彼此方能長久。」雖然傾到咁夜，但杜德偉話：「成晚冇放音樂都唔覺悶，真係有講唔完嘅話題。」而蘇永康就回應：「我地對住個哲學家！梗係吹水好過聽音樂啦。」蘇永康十分感恩與好友相聚的時間。
合照中見蘇永康的囝囝展弘（Jazz）放聲大哭，非常可憐！蘇永康留言解釋：「當Jazz見到契爺啲頭髮變咗白色當堂嚇到喊！」原來形象百變的子華染了一頭白髮，Jazz見到契爺變晒樣，嚇得大哭。不知子華又會如何氹返契仔？
圖片來源： 蘇永康@Instagram