上周去完杏花村幫手執垃圾的何超蓮，已經飛到巴黎出席時裝周，仲第一次欣賞Dior騷，超蓮睇騷前先扮靚靚影吓相，然後就去睇今季流行的服飾，仲入咗後台朝聖，跟設計師Maria Grazia Chiuri 傾吓偈，影吓相。
今次，超蓮在時裝騷上，仲遇上韓劇女皇孔孝真，相信追慣韓劇的人都知道孔孝真在韓國是fashion icon，她穿過的衫同配飾都是潮流指標；超蓮原來好鍾意睇劇，見到孔孝真變了小fans，雖然現場好多人同好擠擁，不過佢都攝位同孔孝真影張合照，仲話：「女神好大氣場！」
