最近社交網站Instagram接連發生黑客入侵事件，不少圈中藝人都身受其害，日前就有兩位苦主中招，鄭希怡（Yumiko）和模特兒朱韻韻的Ig帳戶同「被消失」！
Yumiko發文表示Ig帳戶「被Hack」，擁有部18萬IG 追縱者的Yumiko前日打算開IG，但發現多次輸入密碼都未能登入帳戶，隨後她搜尋自己帳戶名，發現裏面的資料全被清空，「第一個反應係冇晒啲相好慘，因為全部都係回憶，個戶口完全入唔到，叫朋友搵就見到個戶口冇晒嘢。之後再搵自己個名，發現全部post係零」2,000多個posts全部消失，當中有許多女兒梁浸浸的可愛照片和個人美照，如今IG未能復原嚇得她倒抽一口涼氣。
幸好網站管理員迅速電郵查問她是否轉了電話資料，再經由指定連結才成功登入個人帳戶，可惜為時已晚，所有個人資料已黑客被更改，包括名字、密碼、個人簡介、發文及照片亦悉數被清洗，雖然最終「奪回」帳戶，卻未能重用原本的帳戶名字。惟她堅決不屈服，她寫道：「琴日開IG『很抱歉，無法登入』奇怪，密碼冇錯呀，再搜尋我帳戶名，全個IG被清空咗，冇晒所有post，倒抽一口涼氣，點解會咁？好彩IG好快send咗個email俾我，問我係咪轉咗電話資料，如果唔係，可以click條link入去。一登入，發現所有資料比人改晒，包括名，密碼，個人簡介，電話等⋯。現在帳戶攞返，但原本個名就用唔返。因為收到對方通知，如果要攞返，$50美金，唔該，我寧願改到個名萬里長城咁長，都唔會屈服嘅。點都好，大家都要小心自己帳號，網上高手如雲，防得就防⋯ 最後多謝Instagram 咁快手解決煩惱。」
至於模特兒朱韻韻的帳戶亦遇到同樣情況，她發現無法登入Ig後，即收到黑客的電郵通知：「我用Email問佢點先攞得番個帳戶，對方就話要畀600蚊美金（約4,700港元），仲指明用比特幣！我覺得有唔妥所以冇再覆佢，點知佢不斷轟炸，仲話如果唔畀錢就永遠Delete我個帳戶。」她表
示現已透過官方指定連結奪回帳戶，並指因事出突然而未有報警，但若有粉絲因此受騙，將會報警處理。
圖片來源：鄭希怡@Instagram