周勵淇（Niki）830生日，踏入三十九歲生日的她，連日來不少好友都為她慶祝生日，除了家姊周汶錡，仲有蔡卓妍、甄子丹同老婆汪詩詩、向華強同太太陳嵐、上山詩鈉、蔡一智、蘇永康、張玉珊等，真係切蛋糕都切到手軟呀！
終於輪到Fans為她舉行生日party， 現場除了有得食之外，Niki即場獻唱三首歌《戲中有戲》、《身在福中》同埋《搖籃曲》。
fans更悉心剪輯了她多年來的演藝作品，面對當年的「黑歷史」，Niki都忍唔住大叫：「好肥呀嗰陣時！嘩，呢啲我都未睇過呀！哈哈，勁呀！」生日會上，當然唔少得切蛋糕儀式啦，fans特別訂製咗一個海豚蛋糕，因為海豚是Niki最喜歡的動物，而Niki嘅生日願望就係身體健康，最後生日會喺一片歡樂嘅氣氛下結束。
