《延禧攻略》熱播，日日追瓔珞有乜新花款，呢位在皇后身邊的高級宮女，嘴刁刁，在皇帝乾隆面前都牙尖嘴利，原來乾隆已經入咗眼對佢有感覺；在《延禧》的花絮片中，已經升呢做了令妃的瓔珞，同乾隆有多場壁咚場面，好似夜放孔明燈、瓔珞扮小太監氹皇帝及皇帝躲在瓔珞牀上要捉弄她，都鬼咁甜蜜。
飾演乾隆嘅聶遠話，這些跟吳謹言嘅打情罵俏係好即興咁度出來，因為劇本只係寫咗二人嘅感情升溫，行為甜蜜，所以佢同吳謹言會在現場溝通，不過為了自然及有火花，佢哋只會皮毛講吓，真正拍攝時才「出手」！
吳謹言就話有場溫馨戲，聶遠事前同佢講，拍攝時會摸吓她臉，但真正拍攝時就會掐她的臉豬跟她玩，她唯有順勢做出反應，所以出來的效果都唔錯。演員落力做好戲，觀眾自然睇得過癮，收視點擊就會高啦！
