家燕姐靠粒癦救地球

薛家燕將於十二月在紅館舉行兩場《薛家燕愛你無限60年演唱會》，演唱會主題曲Captain Nancy正式面世，MV中，她以女俠配額頭粒癦嘅造型「拯救地球」，連她亦表示最鍾意歌詞中有一句「靠我粒癦救地球」，因為有佢嘅標誌。

她邀請了鄭丹瑞於MV內飾演大反派，林敏驄、田啓文、邵音音、唐文龍、吳業坤、胡琳、姜麗文也有參與演出。早前MV預告片一上線，網民大讚旋律易記，家燕姐十分高興反應如此熱烈：「我完成演唱會記招當晚上網一看，嘩！原來有接近十幾萬人睇過！我也嚇了一跳！其實我有細閱大家給我的留言，很多人稱讚Captain Nancy這個MV似賀歲片，意指我們拍得有電影感，錢國偉導演就應記一功。」家燕姐表示今次拍攝MV過程辛苦：「因為我件衫已經非常胸膛廣闊，錢國偉更説要我吊威也要扮型，其實吊威也都幾花體力，好彩佢哋幾Take就收貨！