森美去旅行，睇佢嘅介紹真係好吸引，好似剛播出的《森美旅行團》又去日本，又食又玩，最搞笑仲要帶給觀眾特別的歡樂，好似周三晚，森美同拍檔麥美恩、吳若希、丁子朗齊齊穿越，穿起古裝周圍搵遊客影合照，真係笑到你死吓死吓！
森美嘅藝伎Look真係「驚艷」，連佢自己都話最驚嚇！成塊面白晒加上胭脂，真係似紙紮公仔，難怪佢同麥美恩扮嘅武士喺京都周圍搵人影相，個個都嚇到雞飛狗走！真係睇見都笑到標眼淚！
關於森美呢個妝，他在ig咁講：「靚女出場呀！美麗外表優雅嘅內涵，襯托出最完美嘅體態，My name is Samantha！Sammy sister！」森美仲話今次拍這個旅遊節目，最苦係去浸電氣風呂，雖然電流好低，但肌肉會有抽搐感覺，一啲都唔好受㗎！
圖片來源：森美@Instagram、my TV SUPER(www.mytvsuper.com)
影片來源：my TV SUPER(www.mytvsuper.com)