最近熱播嘅內地劇《延禧攻略》，當中有一位反派角色陰險狡詐，令人神憎鬼厭，仲有一張厭世樣，佢就喺高貴妃啦！劇中由譚卓飾演嘅高貴妃擅長崑曲，囂張跋扈，經常欺負魏瓔珞，又嫉妒皇帝偏愛富察皇后，所以事事都鍾意比較。
現年34歲嘅譚卓喺《延禧攻略》劇中衣著老氣成熟，有網民仲講笑指佢喺太后裝扮。不過，現實中幕後嘅譚卓原來喺氣質女神！佢私底下穿搭技巧高超，好有個性，整個人都散發出時尚氣場，時而中性帥氣，時而優雅高貴，展現出多風格嘅時尚魅力，所以好多名牌都好喜愛佢！
白色印花嘅連身褲並唔容易著得好睇，但配以簡單妝容同髮型，突顯優雅氣質。
極簡風格嘅廓形白襯衫，配設計流暢嘅高腰闊腿褲，瞬間將身材比例拉高！加上搭配充滿優雅質感嘅精緻腕錶，展現出新女性嘅時尚風格。
看似好難駕馭嘅條紋高領上衣，配黑色皮質長裙，緊身剪裁突顯佢嘅身材線條。
簡約Ｔ恤休閒風配上名貴手錶，以一身爽朗直髮同簡約妝容，充滿時尚感。
粉色低胸背色配黑色條紋下身，展現性感嘅一面。
一件黑色單肩禮服露出性感嘅鎖骨，加上單邊長耳環，完美展現優雅嘅女人味。
一身淺色休閒西服，同色系蕾絲嘅點綴增添咗幾分柔和，眼神堅定有力展露出個性魅力。
圖片來源：互聯網、譚卓@微博、my TV SUPER(www.mytvsuper.com)