陳凱琳今早等接新娘時，佢話成個人坐立不安，因為唔係好識中國人習俗，「因為唔知點，姊妹同我講話會玩吓佢，要佢畀啲誠意喎！」
不過當陳凱琳見到鄭嘉穎接新娘，姊妹打開門時，「見到佢，唔知點解我成個人毛管戙，哈⋯見佢畀姊妹玩，最慘冇人幫佢喎！咁！我覺得要有誠意嘅話，個腦就諗到《一千個願意》這首歌，係佢嘅大碟其中一首，同佢唱k時，聽到歌詞好貼切，小天使好似係我，所以咪叫佢即場唱囉！」陳凱琳話斟茶畀長輩同家姊時，那刻好感動說到着了婚紗，她要嘉穎先到教堂，「我想佢喺教堂見到我着婚紗模樣，不過我一着上身，成個人就好緊張，拖住爸爸手入教堂，賓客全部起立，嘩！仲見到嘉穎喊添！估唔到佢先喊過我！」
陳凱琳現正成為鄭太，她說知道婚姻有很多階段，𣎴過這一刻這一個階段，她感到好幸福，亦期待日後不同嘅婚姻階段，都沉醉在幸福之中！最後，她多謝一班賓客，因為佢哋幫手保守秘密幾個月，令嘉穎同佢有個簡單而隆重嘅婚禮！
