許志安和鄭秀文這對夫妻，除了有相同的宗教信仰之外，亦有不少的共同啫好，二人酷愛美食，一個愛煮，兩個愛食；兩公婆很喜歡旅行，尤其是日本，一年去幾次，幾乎年年生日都在日本度過。此外，對運動都同樣非常狂熱，二人經常在ig上載各自做運動的短片，每次都做到汗流浹背，一副滿足感十足的表情。
安仔嗰六嚿腹肌絕對唔係畫上去！
今日（31日）凌晨，安仔在ig上載一張半祼相片，大騷六嚿腹肌fit到爆嘅身材，真係人見人like！男人女人都羨慕到流晒口水，估唔到安仔剛剛去完俄羅斯，吃盡當地美食，返到嚟香港冇耐，狀態如此大勇，仲fit過紅館開騷。安仔謙虛地說:「未得住㗎！俾多一個月時間我，我有信心再好啲。」嘩！咁都仲未夠好？他說：「今個月生日，當禮物，不過呢份禮物整緊，未完成，哈哈！」其實Sammi跟安仔同是八月份生日，前後只差一個星期，安仔呢份給自己的禮物，Sammi都有受惠。安仔說:「做運動都係為咗身體好！」
預祝安仔Sammi生日快樂！身體健康！期待一個月後，禮物完成，安仔繼續騷肌派福利！
圖片來源：許志安@Instagram
影片來源：許志安、鄭秀文@Instagram