各位劉德華粉絲等咗咁耐，華仔跨年騷終於有消息啦！
華仔去年拍廣告墮馬受傷要全面停工休息，本來的跨年演唱會和其他工作亦一併取消。至今年初，華仔宣布2018年底將開20場聖誕既跨年騷，粉絲知道消息後都表示心情尤如公司發花紅一樣，感到極興奮。而日前華仔公布是次演唱會的名稱為「My Love Andy Lau劉德華 World Tour」，時間為2018年12月15日至2019年1月3日，8月15號將可以優先預訂首15場的門票。
另外，華仔好開心咁同大家分享一系列嘅演唱會主題畫作，又透露主題海報嘅靈感來源：「呢次演唱會其實係因為上次受傷後，希望有一個重生嘅感覺。咩類型嘅海報都影過，我又希望有一啲新嘅嘢呈現俾大家。直至有一次遊覽荷蘭梵高美術館嘅展覽，見到梵志展出以梵高肖像為靈感嘅繪畫作品，因此得到啟發。」
華仔又提到，同梵志認識咗十多年以來，彼此都比較忙、好少見面，所以好大膽咁親自邀請咗好友兼藝術家曾梵志先生，為佢嘅演唱會主題海報作畫，估唔到梵志一口答應。華仔仲好期待今次油畫形式嘅演唱會海報：「從來無人諗過用咁藝術嘅方式為演唱會海報作畫，如果成真，將會係一個前無古人嘅創舉。」
部分圖片來源：台灣映藝、滾動工作室、My Love Andy Lau劉德華 World Tour@Facebook