吳國敬本周六於旺角麥花臣場館舉行《吳國敬搖滾樂團2018》，他昨晚跟樂隊進行綵排，唱了他的大熱作品《玩火》，歌曲當年改編自Bon Jovi經典之作《You Give Love A Bad Name》，吳國敬透露曾多次拒絕在活動唱此曲，「好多時登台或商演，主辦方都想我唱《玩火》，不過我都講明沒有樂隊演出，我不會唱這首歌，用MMO是沒有辦法Rock的，我不享受，觀眾亦不享受。」
吳國敬表示今次很短時間內決定開演唱會，目前最重要是養聲，基本上是廢話少講，「我都心癢癢想開mini concert，無心插柳跟朋友傾談時，竟然有個場讓給我，加上Band隊又遷就到個期，最緊要就係主辦方仍然肯支持小弟，所以呢個 show 好快就埋晒班。平日都有keep住跑步及健身，現在最重要是護住把聲，不過要同Band隊夾歌，不停試好多個版本，試啱心水為止，所以當唔使練歌時，我就盡量唔講嘢，讓把聲可以休息吓。」
