Ana R於6月27日誕下巨B Ryan，比起Jessica C的Elvis 遲一星期出世，昨日兩個好姊妹帶同囝囝出來飲茶，互相交換湊仔經外，還笑言齊齊變了大食媽媽。
上星期，Ana R的媽咪遠道從美國來港探望Ana 同孫仔Ryan（三星期大），Ryan甫出世即有迷人雙眼皮大眼睛，抱着孫兒的婆婆也差點被電暈。
昨日，Ana R約埋好姊妹Jessica C 飲茶食點心，Jessica 帶埋囝囝Elvis，齊齊享受家庭樂。Ana與Jessica皆餵哺母乳，所以佢兩位都異口同聲話佢哋長期肚餓，食量比正常多，突然變得特別大食。Jessica 好慶幸老公安志杰Andy 近來不用工作，不時幫手湊小朋友，讓Jessica 不用太頻撲，又可以多點休息時間，佢簡直係廿四孝丈夫。