人稱「寶媽」的曾寶儀媽媽是曾志偉第一任妻子，今年已經六十五歲，仍活躍台灣影視圈，寶媽十多年前曾經罹患甲狀腺癌，幸好手術後康復理想，寶媽話依家半退休要做個快樂銀髮族，她上白冰冰的節目《冰冰Show》時，仲同大家分享點樣規劃自己的「將來」。
話說寶媽三年前幫一位老人家辦身後事，當時覺得做人最好生前做好規劃，「我現在已經六十五歲，年紀不小啦！如果突然發生什麼事，大家肯定會亂成一團，上一代的人比較忌諱講身後事，但現在大家都可以坦然面對，我情願自己挑選喜歡的地方。」她透露三年前為沒有血緣的老人家辦身後事，當時在北海岸見到剛建好的靈灰龕，位置理想景觀開揚，就幫自己買了一個位於B1地下的靈灰龕。
最近有機會再去，發現靈灰龕加建後步步高陞，樓上景觀更靚，而且採用開揚式無敵寛敞採光設計，寶媽一見大為歡喜，覺得好過之前買的地下位，心思思想「棄舊迎新」，負責人表示，想升到三樓就要補多二十萬台幣，寶媽同女兒阿寶商量想升級需要二十萬，阿寶還以為她坐飛機想升級，問點解咁貴？後來知道是買靈灰龕，話估唔到靈灰龕都可以升級，不過只要阿媽鍾意，錢不是問題。
寶媽話自己有三個女兒，最細的囡囡都已經大學畢業，在美國工作，有時去美國住吓，有時又返台灣同朋友聚吓，女兒們有自己的工作，平時好忙，雖然女兒不在身邊，不過自己都好識得做個快樂銀髮族，有時間就約朋友周圍去旅行，有機會又跟朋友一齊去做善事，生活好充實，唔使女兒為佢擔心。
