夏日炎炎，戶外工作當然要做足防曬措施，向來充滿喜感的林盛斌（Bob），最近去了惠州拍攝無綫節目《大玩特玩消暑篇》，由於長時間對住太陽，話晒藝人點都要靠樣搵食，當然身上任何一寸肌膚都唔可以曬傷，就要諗吓計。 阿Bob日前於社交平台教大家獨門搽防曬秘技，原來唔止面要搽，連頭皮都要搽埋，而最重要係阿Bob有獨門手法，令全面全頭都搽得均勻，先要交叉手推，繼而由面向後推，再由面側內向外推，如果跟足手法搽，相信萬無一失，不過，重點係要好似Bob咁光頭先得。
影片來源：林盛斌@Facebook
