Advertisement

【DSE放榜】齊齊為學生打氣 坤哥:我當年中文作文拎U

本地
2018.07.11

2018年中學文憑試今日放榜!今屆DSE63女奪得75**成績成為「狀元」。另外,超過兩萬一千人符合入讀八大院校資助學士學位嘅最低資格,意味着1.6人爭一個學位。其實公開考試係人生必經之路,時下唔少明星歌手都係過來人,不如一齊睇睇佢哋講乜,為各位考生打打氣!

untitled-collage

吳業坤(坤哥)同許廷鏗本周一出席了香港電台舉辦的《太陽計劃2018:太陽學堂在乎你》活動,鼓勵應屆DSE考生,積極面對放榜成績。JW(王灝兒)自問會考成績都OK,可以升讀中六、七,佢表示:「成績點都好,都會搵到出路。讀書並非一切,好多人讀書好叻,但唔識同人溝通,識溝通好重要。」

untitled-collage-1

而坤哥吳業坤就自爆當年會考拎11分,其中中文科唔合格,他直言:「中文作文係拎U,照升上中六之後,就用咗一年時間補習作文,跟全再考嘅成績中文拎到C,作文喺5星!」他笑謂「人一生都好運。」

untitled-collage-4

許廷鏗當年會考拎21分,後來成功入讀香港大學牙醫學士課程,佢今日喺Facebook post相勉勵考生:「別忘了你才是你人生的導演。別忘掉原是靠堅持醫好每個傷患 ,DSE考生們加油!

untitled-collage-5

會考十優、英國劍橋大學法律系學士畢業嘅麥明詩則表示:「人生好長,有啲時間表現得好啲,但之後都會經歷失敗,一次考試唔代表咩,最緊要喺一生無窮努力,要有開心人生,而且考試成績同將來成就未必成正比。」

untitled-collage-3

加拿大長大、無考過香港公開試嘅林奕匡亦喺Facebook發起失敗之道分享會,勉勵一班考生不要害怕失敗。「今日回頭看,就發現考得怎樣也沒關係,完全沒有影響我現在嘅工作。退一步看看,我依然還有家人還有朋友,大不了就再讀書,三十幾歲再投身社會。What’s wrong with that?(有何不可?)」

圖片來源:香港電台第二台 RTHK Radio 2、林奕匡、許廷鏗、麥明詩@Facebook

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹