黃秋生前外遇Joyce已嫁外籍男, 而且已育有一子一女。黃秋生的私生子William 生母Joyce突然爆料，有報道指Joyce是岑建勳的外甥女，秋生因直接入生活費俾阿仔，因而令她爆料，身在英國的阿仔目前住在酒店。秋生回覆本刊說：「其實發生今次件事就係因為佢叫阿仔返嚟香港搞身份證，我決定以後將啲錢直接俾阿仔而起，佢覺得我要將俾阿仔的錢分一半俾佢。阿仔返到去英國後話我知，阿媽話佢幫住我，唔俾佢入屋，趕咗佢走，咁我叫佢住幾日酒店先，他之後去咗朋友度住，阿仔啱啱同我講，話阿媽爆完大鑊後，自己心情好好，叫佢返屋企，我叫阿仔唔好啦！返去執嘢，因為唔知佢幾時心情唔好又趕佢走，反正兩個月後入大學宿舍，我叫佢在外面租屋住兩個月先，我最唔想影響阿仔讀書的心情。」
延伸閱讀：
問秋生為何不叫阿仔這兩個月先返香港？他說：「佢阿媽為咗身份證叫佢回來兩星期，我唔知為乜，阿仔係英國人，又唔係要返香港讀書做嘢，又唔識廣東話，佢阿媽話有得攞就攞啦！佢唔好叫佢攞綜援？我唔明佢阿媽諗乜啦！阿仔咪順便探親，跟住我去做嘢睇我排戲，坐喺度又冇人同佢傾偈，佢都好悶，就自己去行街，所以唔會叫佢返香港啦！」
William今年九月入讀大學主修生物。
秋生提到自己同Joyce已經再無聯絡好耐，呢幾日將佢嘅電話都block咗。「我最怕同佢講嘢，次次都尖叫，好騷擾，又成日攞個仔威脅我，佢結咗婚冇講我知，瞞住我，一直呃我自己一個人好慘，直至佢生個女兒，我同阿仔傾開偈，佢話媽咪入咗醫院生BB，我先知佢結咗婚，好多時佢話阿仔要用錢做乜做乜，根本就唔係，佢老公都有工作，冇理由要我養佢全家啦！而家好啦！真正了結，唔使再煩，以後唔使再講咁多。」
秋生的前外遇是岑建勳的外甥女，但彼此不是透過岑建勳介紹認識。
部分圖片來源：互聯網