黑人陳建州身高190cm是模特兒身材，尤其著起西裝帥氣十足，經常在社交網分享型男打扮及時尚寫真，但大家估唔到的是，為他幕後操刀的竟然是大廈看更「黃伯」，黑人話﹕「感謝我們家大樓管理員『老黃』，細具膩地抓住我每個瞬間，他每天都幫我拍一系列時尚照！」
黑人初時都唔知阿「黃伯」係高手，平時扮到好型仔，去到樓下通常是自拍留念，自拍玩得多悶悶哋，有次好隨意咁叫黃伯幫佢揸機，黃伯話﹕「陳先生，你找對人了，因為我是學美術的！」經黃伯揸機拍出的相真係好唔同，原來學美術的黃伯識畫畫，所以對色、構圖和角度都好有心得，拍出來的照片當然好有時尚感，仲拍到黑人好型添！依家黃伯已經成為黑人的御用攝影師，社交網上好多街拍都是黃伯幫佢操刀。
黑人忍唔住大讚「果然是高手在民間！」仲話黃伯學藝術強項是畫畫，拍照只是小兒科，依家兩人感情好好，經常彼此留下最美的回憶！黑人已經改口叫黃大哥，唔叫「黃伯」啦！
圖片來源：陳建州@Instagram
影片來源：陳建州@Instagram