張敬軒喺父親節第四場演唱會邀請咗Boy’z做嘉賓，當晚紅館全場歌迷high爆，嘈到拆天，連容祖兒都要趁熱鬧，喺網上轉載咗「聽說今晚紅館裂開了」的片段，聽講其網頁的點擊率過咗15萬，可想而知大家對關智斌（Kenny）出現喺軒仔個唱幾咁關注，平日fans撲飛爭崩頭買頭場尾場，今次睇唔到第四場的fans個個揼晒心口！蝕到入晒肉！
延伸閱讀：
嚟到今晚尾場，據小道消息Kenny喺會嚟紅館㗎！Yeah!！佢上次嚟紅館做嘉賓，都冇認真睇過軒仔表演，話晒都係軒仔口中「好要好好要好的好朋友」，點可以唔捧場呢？
圖片來源：關智斌@Instagram