家燕姐囝囝石耀庭今日娶老婆，新娘子Zoe戴住六隻金豬、頸鏈和巨型龍鳳鈪等出嫁；家燕姐嘅行頭亦唔少，成套翡翠珠寶，非常搶鏡，就連一眾親友都穿中式服裝，真係襯到絕！
家燕姐兒子石耀庭今早在尖沙咀洲際酒店接新娘，出動大紅花轎外，新娘子的金器亦奪目耀眼，戴上六隻金豬，金鏈和巨型龍鳳鈪等，其中龍鳳鈪是早前家燕姐親自到珠寶金行選購，兩對合共40萬。
今早一對新人穿上中式禮服向家燕姐斟茶，新抱左右手都戴上龍鳳鈪，盡顯富貴，斟茶後，一對新人錫錫家燕姐，等這杯茶等了很久的家燕姐，笑到四萬咁口，十分感動，而家燕姐的行頭也很犀利，一套綠翡翠珠寶，包括頸鏈、戒指、耳環等，非常華麗。
至於今早新郎跟一班兄弟接新娘玩遊戲時，要頭戴花花飾物扮「格格」，大玩嘴巴擴大器、行石春路和掌上壓等，新郎更要跪地向新娘子送上花球，玩到好癲，成功接得美人歸。
家燕姐呢杯新抱茶，等咗好耐，今日終於有得飲，睇下佢呢位奶奶笑得幾開心。
大紅花橋接新娘，新郎梗係要踢橋門。
一對新人相視而笑，好幸福。
親友全部中式服裝，好有氣派。
六隻金豬，家燕姐的心意，唔使講就知啦！當然快些開枝散葉。