滕麗名、江美儀及麥包出發到馬來西亞為第四輯《街市遊樂團》拍外景
三人組合「包美麗」滕麗名、江美儀及麥長青（麥包）早前出發到馬來西亞為第四輯《街市遊樂團》拍外景，去到當地當然要試吓最出名嘅榴槤，阿滕仲話佢哋去咗八日，就食足四日榴槤，搞到麥包叫佢兩個做「榴槤魔怪」。
阿滕話當地人好熱情，教點去揀靚榴槤，原來愈輕身就愈靚
大家係咪以為麥包好忍口？咁就錯，片段中麥包被呢兩個女人喝止，禁止食太多及飲凍飲，江美儀話大家唔知仲以為她們鬧佢，其實都係為麥包身體好，因為佢老婆吩咐，怕佢膽固醇過高，血糖又高。另外、阿滕話當地人好熱情，教點去揀靚榴槤，原來愈輕身就愈靚，食完榴槤，仲要用榴槤皮裝水飲，可以一解熱氣。
阿滕話今集佢哋為了響應環保，出發前自備了環保袋買嘢外，還自備餐具，完全棄用飲管及即用餐具。
用榴槤皮裝水飲，解熱氣一流。