女飛虎王敏奕確實好有睇頭
最近煲緊《飛虎之潛行極戰》，飛虎隊員都好有睇頭，做女飛虎的王敏奕亦搏到盡，動作戲都親身上陣，不過喺十八集中，張兆輝飾演的教官雷焯鋒同班飛虎隊員上堂，學習搏擊，仲要將王敏奕連環撻，原來拍完呢場戲，王敏奕就受咗傷，去咗醫院睇醫生。
張兆輝飾演教官雷焯鋒將
王敏奕話受了少少傷，去到醫院睇完醫生，只係撞腫咗，佢話：「嗰日受傷，其實不幸中大幸，因為去到最後都冇乜事，拍動作片難免會有傷，正所謂出得嚟行，有兩個傷痕，都係見得人，有印證；其實這齣劇的所有同事都好畀心機拍，對比其他同事，我唔算辛苦㗎，只不過自己渣！最後一個shot太攰，當時因為太攰，冇辦法去保護自己，始終拍動作片好多時要學保護自己，但可能因為時間啦，太攰啦，唔記得咗做保護自己的動作，冇事就OK啦，多謝大家關心。」張兆輝都讚王敏奕好捱得，話呢個女飛虎好用心做戲！
王敏奕咁撻法，真係睇見都痛