陳曉東全家合照
陳曉東去大陸發展十幾年，在古裝劇《蘭陵王》中演深情霸氣的周武王宇文邕，爆紅後依家已經成為男神，回歸樂壇搞世界巡迴演唱會，七月在台灣開唱，近期頻頻上節目谷飛，主打歌《女人都差不多》冧死不少粉絲，東東好識做，講到女人，將老婆、囡囡擺埋一邊，搬阿媽出來話人生導師係阿媽，平時面對各種困惑都同阿媽分享，咁識做迷倒不少台灣媽咪級粉絲，個個人都幻想自己個仔好似東東咁孝順。
陳曉東新歌《女人都差不多》挑戰R&B曲風
東東一家人浩浩蕩蕩去杜拜旅行
東東爸爸、媽媽喺佢十三歲時離婚，陳曉東話爸爸、媽媽離婚是好事，因為兩人由朝嘈到晚，當時已經心諗咁樣嗌交法不如分開好過，東東又冇諗錯，兩人分開後真係過得好好，阿爸、阿媽離婚後各自搵到自己的理想伴侶，各自有一頭家，兩人不單沒有反目成仇，反而因為囝囝和睦共處，大家仲約埋一齊去旅行，東東就試過搵埋爸爸、繼母，同父異母的弟弟，仲有媽媽加繼父、同母異父的妹妹帶埋阿公，一家人浩浩蕩蕩去杜拜旅行，真係夠晒熱鬧又開心！
東東太太王妤嫻是台灣人，為他生了一對寶貝囡囡朵朵、多多，好不溫馨
東東對台灣特別有感情，皆因媽咪是台灣客家人，陳太王妤嫻都是台灣人，婚前做護士，依家生咗兩個囡囡朵朵、多多，專心做家庭主婦照顧老公和阿女，東東為咗太太已經在台灣置業安家，仲申請埋台灣居留證，半個台灣仔做埋台灣女婿，台灣人好like呢個男神！
東東媽咪是台灣客家人
圖片來源：陳曉東@微博