鍾欣潼與蔡卓妍完成美加巡迴演唱會尾站後，從多倫多飛返洛杉磯，周四（香港時間）阿嬌與阿Sa和同行的工作人員抵達派對舉行場地Millennium Biltmore Hotel後，霍汶希(Mani)亦於同日下午飛抵洛杉機，派對舉行前夕（香港時間周五），被邀請的賓客和拍攝大隊都已陸續抵達當地，最後來到洛杉磯的一個嘉賓竟然是烏龍王容祖兒，她抵埗後立即會合大家，阿Sa急不及待率先在Ig上載跟祖兒、阿嬌和Yumiko的合照，跟大家分享喜悅。阿Sa留言：「Finally！！！！經過數日嚟的努力終於在昨日攞到簽證，即刻買到機票飛過嚟 真係孝感動天。」
祖兒隨後亦在ig上載四人合照和留言：「經歷了最驚險的四天，機票改了又改，噚晚出境又唔記得帶身份證，在飛機又成晚瞓唔着，到埗後仲唔見左頂帽，頭大容量細的悲歌，總之過程唔重要最緊要結果，我終於在最後一刻拿到簽證可以給我最親愛的嬌一個驚喜，開心感動剌激兼而有之，我的人生好像坐過山車一樣， 祝明天一切順利！」祖兒臨出發前發現美國簽證已過期，大家都打定輸數，覺得她拿不到快證，結果又爆冷門令龍虎豹蛇可以合體。知情人說：「祖兒出動所有人脈幫手，希望可以取得美國特快簽證，出席阿嬌的派對，由於中間遇上佛誕，又少了一個工作天，大家都覺得機會很微，朋友仔都安慰她，說開facetime讓她看到派對的實況，但她可以趕到來，實在令所有人都覺得很驚喜。」祖兒在臨出發去洛杉磯前發現簽證過期，大家都打定輸數，覺得佢無緣出席派對，不過祖兒未肯放棄，出動人脈幫手，取得特快簽證，仲要趕到派對前到埗，難怪一眾好姊妹咁感動。
圖片來源：容祖兒@Instagram