有朱晨麗教跳鋼管舞，相信係唔少男士夢寐以求嘅畫面
男神袁偉豪（Benjamin）又騷肌喇！繼朱晨麗（Rebecca）早前喺《棟仁的時光》跳鋼管舞大曬完美身材，最新一集袁偉豪亦處男下海上「管」，除剩小背心騷結實肌肉，Rebecca仲親自貼身指導，真係睇到各位觀眾血脈沸騰啊！
延伸閱讀：【潮流興玩男男CP？】袁偉豪深情激吻許家傑︰亂過亂世佳人
從片段可見，穿上粉紅色短袖恤衫的袁偉豪被Rebecca鼓勵跳鋼管舞減壓，跳到咁上下，眼尾見到想追求佢嘅女同事，就決定除衫騷肌，同Rebecca嚟個身貼身接觸。Rebecca留意到Benjamin嘅用意亦非常識做，即刻嚟個手把手教學，扶住佢條腰上管，不時摸手臂故作親密，真係每一個動作都係力的表現。最後，當然成功擊退睇到眼火爆嘅女同事啦。
老鼠仔，有！胸肌，有！要做爆肌男神唔係話想就得，其實要付出唔少努力操肌呢！
對於視做Gym為興趣嘅袁偉豪嚟講，要跳鋼管舞其實絕對難佢唔倒。而係佢Instagram都不時見到佢大方騷肌照，難怪有成45萬個Followers，成為全港頭十名Instagram最多粉絲嘅男藝員啦。
延伸閱讀：【封面故事】袁偉豪、張寶兒戀情峰迴路轉 短訊試探一度縮沙
延伸閱讀：袁偉豪親自回應新「股」上市： 「大電視睇係震撼啲！」
圖片來源：互聯網、袁偉豪@Instagram
影片來源：my TV SUPER
(www.mytvsuper.com)