新年最忙莫過於與家人周圍拜年兼被拜年，不斷玩親戚問答比賽之餘，又要聽一班「Elsa」軍團高歌一萬次「Let it go」，有人會想避開這種熱鬧的氣氛，亦有人會樂在其中，相信黃心穎是屬於樂在其中派！心穎出名與家姐心美感情深厚，包括她們在內的黃家四大千金被外界封為「一門四美」，孻女心穎更是黃家的開心果，又經常化身「最強姨姨」帶二家姐黃心妙誕下的子女到處遊玩，將姨甥仔女視如己出！日前心穎更帶同姨甥女 Leila 到主題樂園玩樂兼工作，為姨甥女打扮成《魔雪奇緣》的「Elsa」！
心穎為 Leila 悉心安排最受小朋友歡迎的Elsa服飾和裝扮，讓 Leila 可以一嘗做Elsa的滋味！當 Leila 與「安娜公主」會面時，表現興奮，媽媽心妙和姨姨心穎都忍不住錫錫「 Leila 公主」，又不停自拍，sweet到爆！心穎表示：「我細細個就渴望做公主，但係扮公主永遠唔輪到我，三個家姐成日都唔同我玩，例如細個打羽毛球，三個家姐會自己玩，我就負責執波。可能我特別細個，年紀同佢哋相隔遠啲，慢慢佢哋三個好女仔，我就好男仔。」
眼見心穎和 Leila 十足餅印一樣，驟眼看會令人誤會是一對年輕可愛的母女！「最強姨姨」心穎當日為氹 Leila ，不惜使出「氹B四式」：抱、轉、踢、食，來博姨甥女一笑。心穎二話不說，與心妙抱起Leila，一時化身「人肉氹氹轉」自轉，一時拖實Leila 瘋狂踢腿留倩影，還準備了巨型棉花糖餵食Leila，Leila亦全程表現乖巧，可愛抵錫！