「農夫等錢洗演唱會」前晚去到第3場，出名錫農夫的鄭裕玲（Do姐）都有現身睇騷，同場出席的有好友張繼聰、田蕊妮及黃又南等。Do姐當然有上台講兩句，笑指農夫出絕招，安排專車管接管送她到演唱會現場，令她沒藉口缺席。
臨近尾聲，陸永唱出〈456wing〉時大改歌詞冧Do姐：「有人話我似6號（陸浩明）/仲問我肥媽喺邊度？/你喺街度嗌我6號我都會應/不過唔該你記住我大佬係鄭裕玲！」Do姐在台下聽到笑晒，更大送飛吻，又上前送抱表示感動，陸永就搞笑說：「特登要留你聽這首歌才走，你明白嗎？」農夫識花心思氹Do姐，果然抵錫！
影片來源：C君@Instagram