「不懂撒嬌」的唐詩詠（Natalie）早前升呢做老闆，投資芝士蛋糕店，Natalie日前就趁午飯時間殺入中環尋找「芝」音人，親自請途人試吃蛋糕，希望食完飯的上班族可以有飯後甜品，未食飯的又有可以有，她說飯前甜品，目的是「餵」勞上班族：「真係好緊張，因為唔知大家反應係點，我會有心理準備，預咗大家會拒絕我。」她多次被西裝男要求「集郵」，笑言本來想出動「撒嬌必殺技」冧暈男途人，但臨場太緊張而忘記「出招」。Natalie表示未來男友必定要同聲同「胃」：「首要條件真係要鍾意食嘢，呢樣重要過任何性格條件，就算佢有嘢唔食都唔緊要，例如我都唔食牛，但對方一定肯陪我去周圍試新嘢食！」
影片來源：my TV SUPER(www.mytvsuper.com)