日本BL神劇《大叔的愛》雖然已播完，但人氣仍然停不了，帶挈主角田中圭人氣急升，以田中做封面專題人物的日本雜誌《TV Bros.》8月號，雖然明日才出版，但出版社已收到很多訂單，因此需要在出版前加印。
8月號的日本雜誌《TV Bros.》除了有《大叔的愛》男主角田中圭做封面，仲有16版特集，除了有他的最新靚相外，亦有過萬字的訪問稿，連該劇部長吉田鋼太郎都有受訪。以《大叔的愛》的人氣，令該雜誌的訂單比預期多，出版社已在出版前急急加印。
田中圭接拍《大叔的愛》終於吐氣揚眉，其昔日寫真集相繼宣佈重版，除咗佢年半前推出嘅寫真集《KNOWS》同埋2006年推出嘅寫真集《R》外，出版社亦宣佈田中圭喺2008年上架嘅寫真集《一直在花旁的飛蟲》都決定重印，出版商方面話係因為接到唔少粉絲查詢關於呢本寫真集，而作出重印決定。證明佢呢期真係好紅。
大熱日劇《大叔的愛》播出以來大受歡迎，更一度成為Twitter嘅全球熱搜榜冠軍，連香取慎吾亦都係fans，日前佢扮美國總統特朗普同草彅剛、稻垣吾郎亮相直播節目期間，並突然高呼：「牧，我喜歡你。」重演男主角田中圭飾演嘅春田創一向「阿牧」林遣都示愛一幕。