黃子華迷期待已久，一連二十六場的棟篤笑《金盆𠺘口》今晚終於在紅館開騷，全場爆滿，就連九十歲仙姐（白雪仙）也出現捧場，台下星光熠熠，包括陳寶珠、劉嘉玲、鄺美雲、古巨基、李嘉欣、關心妍夫婦、鄭中基夫婦、蘇永康、吳鎮宇及黎耀祥一家等等，大家一齊見證子華最後一次開騷。
子華一開場，即全場歡呼，他說:「今晚最重要兩句金句就是，回水冇得傾，除褲太高清，最後了，有得嗌好嗌，不需要懶煽情。」之後子華即大談黃絲與藍絲的分別，全場歡呼。
子華提到電影《阿飛正傳》時，話該片冇人看得明，「我看午夜場，全部人出來是雙眼發紅，充滿仇恨，因為大家冇人睇得明，好似睇住幾個大明星自由行，得閒講吓嘢，冇見過咁黑口黑面的女主角，然後冇腳的雀仔，唔知佢講乜鬼?」他又說該片用了大卡士，拍了四千萬，但只收得九百萬，他笑說:「那時應該很多電影人好憎王家衛，我執導的《一蚊雞保鏢》都只收五位數字，但就冇人憎我，因為我是收了人資本，是想回本，最終回不到本，這個是觀眾水平。」
之後子華提到「吹吖」、「報警吖」這話題時，笑着說:「小弟個騷叫金盆口，所以我保證今年是不會再做，吹吖，報警吖。」難道意味着今次是不是最後一次開棟篤笑？不知他說真說假，但全場就拍爛手掌。
散場前，子華用粵曲腔唱出自己心聲，內容是能與觀眾共度一宵，屬於幻海奇情，但唱到一半時哽咽，突然停了，眼濕濕去飲啖水，之後才能唱下去。唱完後，完場！