阿姐汪明荃喺雲頂嘅演唱會，唱咗好多首本名曲，唱《撲蝶》時，家英哥仲上台助興，在台上扭扭擰擰，一於老婆唱歌老公跳舞，好合拍。 阿姐唱唱吓，仲唱埋落台，跟觀眾近距離握手，搞到台下忽然亂一亂，人人都爭上前跟阿姐親近吓；除咗唱廣東歌，阿姐仲唱粵劇折子戲，換上古裝嘅阿姐在台上唱《雪中燕》，講開這幕，阿姐當年係搵咗梅卓燕老師幫佢排舞，在台上嘅阿姐一邊唱一邊揮水袖，真係好有功架！