暴龍哥鄭中基剛宣布2019年成功得到紅館農曆年檔期與大家迎接豬年，日前已開始為演唱會海報進行拍攝，佢上身件訂製西裝仲印有一家四口照片，唔話佢係愛家好男人都唔得啦！
鄭中基說：「上次開show，我同兩個小朋友一齊上台表演，感覺好warm，我想將呢份感覺，放响件衫上面，而件衫亦好配合到今次演唱會主題『Love And Hope』。」
原來西裝上的照片全由暴龍哥親自攝影、挑選，每張相背後均紀錄了小朋友的成長、以及他們一家四口的快樂時光。
「點解我演唱會主題係『Love And Hope』，因為近年香港人不快樂，被負能量包圍，既然大家生活响一個咁靚嘅地方，點解要每日活在愁雲慘霧入面，自己人生可以自己控制，點解唔選擇快樂呢？希望藉著今次演唱會，令大家感受到身邊還有好多愛與希望存在。」
為配合這件別具心思的西裝，鄭中基當日還帶同全球限量200支的Y2K Crystal Planet水晶電結他前來拍照，鄭中基還笑指結他全透明，方便襯衫。