農夫今晚開騷喇！農夫所填的歌詞首首啜核又幽默，一句「玲玲出嚟又睇掌喇」、「紅雨好黑雨好」、「舉高隻手、駛乜怕醜」唱到街知巷聞，就算不是粉絲也總會聽過幾句農夫的歌詞。經典作如〈好彩分手〉、〈舉高隻手〉、〈學海無涯〉、〈風生水起〉、〈I Believe U Can Fly〉、〈偉大航道〉，歌詞全部有意思之餘又入腦，聽一次就記得，無論描述男女關係、打工仔心情、學生哥困境，農夫都用獨有的細膩觀察，配以抵死幽默的歌詞唱出及Rap出普羅大眾的心聲，從中發放正能量。
C君早前就罕有地在網上大賣感性，表示準備今次的演唱會有如回到過去，青少年回憶返晒嚟：「我哋以前就係咁，兩個MCs一個DJ喺屋企練歌，邊有練歌房邊有台燈聲，咁樣有個好處，令自己慣咗冇乜器材幫手，冇ear mon、冇歌詞mon，甚至冇mic都照練，我鍾意咁。」出道17年的農夫，內心的那團火似乎還燒得很旺盛。
影片來源：EOLAsia Official Channel、Clot Media Division (CMD) Official Channel@YouTube、my TV SUPER(www.mytvsuper.com)