薛凱琪繼電視劇《學警雄心》後，相隔13年再拍港劇，更由學警「升職」，在警匪網劇《蝕日風暴》飾演重案組高級督察，她表示︰「好親切，第一次演戲就喺《學警雄心》扮演學警，多年之後再做正義嘅警察。女警好有型，對我來講係一件好super hero嘅事，雖然時間天氣等因素，仲有劇本內容令到體力有啲透支，但係都好開心嘅！」
梁靖琪跟薛凱琪這場對打戲，拳拳到肉。
薛凱琪於劇中為追捕罪犯打戲連場，她坦言這算是現代片打得最多的一次，「頭一兩日已經因為打戲弄傷手指，指骨有啲移位，之後睇咗一段時間骨醫，西式、消炎、刮痧都有做，現在無乜嘢，我唔係好怕呢啲傷。」
其中一幕講到薛凱琪與梁靖琪在警局內對打，兩女毫不錫身拳拳到肉，難怪梁靖琪稱拍畢該場戲後，要借藥油給對方「療傷」，梁靖琪則自言拍攝《蝕日風暴》前做足準備工夫︰「之前拍的作品都是打戲，所以一直也有練拳，不過為了這套劇，也特訓了一段時間。」
由張智霖、王陽明、薛凱琪及梁靖琪等主演的警匪網劇《蝕日風暴》，將於下周六（22日）晚上在「黃Viu煲劇平台」首播，據知劇集耗資超過1.8億港元，穿梭香港、布達佩斯、馬來西亞等地拍攝。
梁靖琪在《蝕日風暴》中，有多場內心戲，而薛凱琪說繼《學警雄心》後再做女警，心情開心。