袁偉豪（Benjamin) 昨日（11日）正日生日，與圈中好友陳山聰、胡定欣、單立文等吃飯慶祝後，昨晚終於輪到同老婆張寶兒(Bowie) 撐枱腳慶祝生日，老婆前一日更專登訂了袁偉豪最愛吃的印度餐廳，慶祝過後壽星仔在社交網寫道：「時間好快又係過咗一年，今年同朋友聚會感覺很不同，相信係大家因為疫情關係好耐冇一齊相聚，所以感覺特別唔同，最差嘅最壞嘅都經已過了，多謝大家嘅祝福，我收到啦，祝福大家身體健康、平安幸福。」網民紛紛送上祝賀！