羅家英與汪明荃（阿姐）昨天（2日）結婚14周年，二人在社交平台上載身處酒樓齊齊舉起手騷結婚戒指的片段放閃。家英哥說︰「呢一日係5月2號，我哋結婚14年啦！我就冇乜嘢好送，我哋以前有對結婚戒指…」阿姐緊接道︰「俾賊偷咗﹗」家英哥續說︰「但唔係我買，係佢（汪明荃）買，買咗之後帶咗冇幾耐就擺咗入保險箱。點知成個保險箱俾賊偷咗，戒指就冇咗。我諗諗吓買啲乜嘢好呢，於是就買咗戒指，喺電腦入面摷番戒指嘅款同型號，冇幾耐我就去鑲番個名上去。」
